|
Diseba
- Veverueri : Vulaikatakata
Katakata tu na draki,
gauna covulaca kei na cagilaba. E dau yacana tale ga na vulaivivilaca
se vulaisolelaca se vulaitabulaca, ni dau sega kina na veisokoyaki;
se na vulaimatuanivuata. Mati lelevu ena bogi, gauna ni salu.
Vakasucu e levu na manumanu ni vanua - na kakabace e qaravatu,
na todi e veikau, na sese e burenikadivuka - kei na vonu.
Gauna ni ya ni lairo, marau ni siga ni sucu kei na vakatawase.
Lesu
tale icake
Maji
- Me : Vulaiuca
Tunumaka tu na vanua,
tau vakalevu na uca, gauna ni dobui kei na waluvu. E dau yacana
tale ga na vulaibotabota, ni bota kina na uvi, tikau, tivoli.
Wagunu lelevu ni taucoko na vula, gauna ni vakaba kuka kei
na kucokucoraki (butu mana).
Lesu
tale icake
June
- Okosita : Vulaililiwa
Liliwa na draki, lutu
na tegu, cevata na waiwai. Liwa na ceva, cevaceva na gusu,
basika vakalevu na kani. E dau yacana tale ga na vulaikaburakisenigasau,
ni kaukaua kece kina na matanicagi, gauna ni bogiwalu; se
na vulaimagomago se vulaividividi, ni mago kina na uvi, tivoli,
cago; se na vulaivila se vulaiwiduri, ni mira kina na drau
ni kau e so, me vaka na wi, tavola, sinu; se na vulaimatimati,
ni dau di caracara na mati ena siga. E yali na manumanu e
so, me vaka na namu, lago, lagokata. Vakasucu na manumanu
ni waitui - na kasaqa, na toro, na gogo. Kunekune dredre na
vonu.
Lesu
tale icake
Sepiteba
- Noveba : Vulaisiga
Draki vinaka, sega
ni liliwa sara se tunumaka sara, lauqa e so na vanua. E dau
yacana tale ga na vulaitubutubu, vulaikadrekadre, vulairaurau,
se vulaibulabula, ni dau tubu se kadre mai kina na uvi, tikau,
kawai, belebele tale mai na draunikau. Mati lelevu ena bogi,
wagunu lelevu ni bogi buto.
Lesu
tale icake
|
VULA LELEVU 
